"ქართული ოცნება-დემოკრატიული საქართველოს" გენერალური მდივნის, თბილისის მერის კახა კალაძის თქმით, შს მინისტრის მოადგილის ნათია მეზვრიშვილის გენერალური პროკურორის თანამდებობაზე დანიშვნასთან დაკავშირებით ინფორმაცია არ აქვს.
ამასთან, კახა კალაძე ოპოზიციის შეფასებებსაც გამოეხმაურა, რომლის მიხედვით, შს მინისტრი გიორგი გახარია საკუთარი გავლენების გაძლიერებას ცდილობს და განაცხადა, რომ გახარია თავის საქმი პროფესიონალია.
"პირველად მესმის, არ მაქვს ეგ ინფორმაცია. გიორგი გახარიას რაც შეეხება, ის არის უპატიოსნესი ადამიანი , კომპეტენტური, თავისი საქმის კარგად მცოდნე და პროფესიონალი. სარგებლობს ძალიან მაღალი ავტორიტეტით საზოგადოებაში და მინდა მას წარმატებები ვუსურვო იმ საქმეში, რაზეც აქვს პასუხისმგებლობა“,-აცხადებს კახა კალაძე.