იიც ეფლბაუმი - საქართველოს პრემიერ-მინისტრი დინამიური, ახალგაზრდა, ძალიან ჭკვიანი და უსაზღვროდ ენერგიული ადამიანია

საქართველოს პრემიერ-მინისტრი დინამიური, ახალგაზრდა, ძალიან ჭკვიანი და უსაზღვროდ ენერგიული ადამიანია, - ამის შესახებ MizMaa Ventures-ის თანადამფუძნებელმა და გენერალურმა პარტნიორმა იიც ეფლბაუმმა სან-ფრანცისკოში, მამუკა ბახტაძესთან შეხვედრის შემდეგ განაცხადა.

როგორც „ინტერპრესნიუსს“ პრემიერ-მინისტრის პრესსამსახურიდან აცნობეს, მამუკა ბახტაძემ აშშ-ის წამყვანი საინვესტიციო ფონდების ხელმძღვანელებს საქართველოში არსებული ხელსაყრელი საინვესტიციო გარემო გააცნო.

„ვისაუბრეთ იმაზე, თუ როგორ შეიძლება ინვესტიციებისა და სამეწარმეო საქმიანობის, ასევე, რაც ყველაზე მთავარია - ეკოსისტემის - შესახებ გამოცდილების გაზიარება ისეთი წარმატებული ადგილებიდან, როგორიცაა “სილიკონ ველი” და ისეთი მოწინავე ქვეყნებიდან, როგორიცაა მათ შორის ისრაელი, რომლებიც თავიანთი ტექნოლოგიური მიღწევებით უკვე დიდ სამომხმარებლო ბაზრებზე გადიან. საქართველოს საინვესტიციო შესაძლებლობებს აღტაცებით ვუყურებ. ახალგაზრდა სახელმწიფოა, ძალიან ჭკვიანი ხალხით. საინჟინრო პროფილის მქონე 50 000 სტუდენტის ყოლა მნიშვნელოვანი განაცხადია. თქვენს ქვეყანაში არსებობს ინოვაციების ფონდი და ცალკე სამინისტრო კურირებს ინოვაციებს. ამდენად, შესაძლებლობები დიდებულია და ძალიან სწრაფად დადგება შედეგი. ნამდვილად არ მგონია, ხუთი წელი დასჭირდეს პრემიერ-მინისტრს იმისათვის, რომ კაბინეტს ან შესაბამის უწყებას ხელშესახები შედეგის ჩვენება მოსთხოვოს”, - განაცხადა იიც ეფლბაუმმა მამუკა ბახტაძესთან შეხვედრის შემდეგ.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა