აშშ-ის პრეზიდენტ დონალდ ტრამპის განცხადებით, ნატო-ს გენერალური მდივანი მისი დიდი ფანია. ამის შესახებ ტრამპმა საფრანგეთში ვიზიტისას განაცხადა, სადაც იგი მოკავშირეთა გადასხმიდან 75 წლის იუბილესადმი მიძღვნილ ღონისძიებას დაესწრო.

თეთრი სახლის ლიდერის თქმით, ჩრდილოატლანტიკური ალიანსის ბიუჯეტი მისი პრეზიდენტობის პერიოდში მნიშვნელოვნად გაიზარდა.

„თუ თქვენ ნატო-ს ბიუჯეტში შესულ თანხებს დააკვირდებით ბოლო 15 წლის განმავლობაში, ნახავთ, რომ იგი მცირდებოდა, შემდეგ კი უცებ მკვეთრად გაიზარდა. გენერალური მდივანი სტოლტენბერგი ალბათ, ყველაზე დიდი ფანია ტრამპის. მან ერთ დღეს საუბრისას თქვა, რომ დონალდ ტრამპის გარეშე, ნამდვილად არ იქნებოდა არანაირი ნატო. ახლა უკვე ქვეყნებმა ას მილიარდ დოლარზე მეტი გადაიხადეს ალიანსის ბიუჯეტში. გერმანია იხდის მხოლოდ 1 პროცენტს, მათ გაცილებით მეტი უნდა გადაიხადონ“, - განაცხადა ტრამპმა.

იხილეთ ვიდეო: დონალდ ტრამპი აცხადებს, რომ ნატო-ს გენერალური მდივანი მისი დიდი ფანია