საკომიტეტო მოსმენა ძალიან მნიშვნელოვანია, რომ საზოგადოებამ და ოპოზიციამ მიიღოს ინფორმაცია იმ კითხვებზე, რომელიც მათ აქვთ და პროექტებზე, რომელზეც ხშირად ვხედავთ არაჯანსაღ დისკუსიას, - ამის შესახებ ჟურნალისტებს საპარლამენტო უმრავლესობის ლიდერმა, არჩილ თალაკვაძემ განუცხადა. მმართველი პარტიის ლიდერის განცხადებით, უმრავლესობას მიმდინარე საკითხებზე, რაზეც ეკონომიკის მინისტრი კომიტეტზე ისაუბრებს, ინფორმაცია აქვს და იმედოვნებს, რომ რიგ თემებზე სპეკულაცია შეწყდება.

„ჩვენ კარგი კომუნიკაცია გვაქვს ჩვენს თანაგუნდელ ნათია თურნავასთან და მივიღეთ ინფორმაციები. აღნიშნული საკომიტეტო მოსმენა ძალიან მნიშვნელოვანია, რომ საზოგადოებამ და ოპოზიციამ მიიღოს ინფორმაცია იმ კითხვებზე, რომელიც მათ აქვთ და პროექტებზე, რომელზეც ხშირად ვხედავთ არაჯანსაღ დისკუსიას. საკომიტეტო მოსმენა კიდევ ერთხელ ადასტურებს, რომ მთავრობა და მინისტრები, ანგარიშვალდებულნი არიან პარლამენტის წინაშე. დარწმუნებული ვარ, ძალიან ინფორმატიული საკომიტეტო მოსმენა იქნება", - განაცხადა არჩილ თალაკვაძემ.