საფრანგეთის სანაპიროსთან, შტორმ „მიგელის“ შედეგად გემზე მყოფი სამაშველო ეკიპაჟის 3 წევრი დაიღუპა. შტორმი „მიგელი“ საფრანგეთის სანაპიროს მიუახლოვდა. ამის შესახებ ინფორმაციას „ბიბისი“ ავრცელებს. შტორმის სიჩქარე 147 კმ/სთ-ს აღემატება, რის შედეგადაც საფრანგეთის ატლანტის ოკეანისპირა რეგიონების ინფრასტრუქტურა მნიშვნელოვნად დაზიანდა. ამასთანავე, ვრცელდება ინფორმაცია მსხვერპლის შესახებაც.

ატლანტის ოკეანეში მცურავი სამაშველო გემი, რომელზეც 7 ადამაინი იმყოფებოდა, ძლიერ შტორმში მოჰყვა, რის შედეგადაც ბორტზე მყოფი 3 ადამიანი დაიღუპა. აღსანიშნავია, რომ ისინი შტორმის დროს ოკანეში სხვა გემის ეკიპაჟის გადარჩენას ცდილობდნენ. როგორც წესი, წლის ამ მონაკვეთში საფრანგეთის სანაპიროებთან ძლიერი შტორმი იშვიათია. ამასთანავე, საფრანგეთის გარდა შტორმმა „მიგელმა“ ესპანეთის სანაპიროებიც დააზარალა.