გამანაწილებელ ქსელში დაგეგმილი სარეაბილიტაციო სამუშაოების გამო, 9 ივნისს, 09:00-დან 18:30 საათამდე ელექტროენერგია შეუწყდებათ აბონენტებს მცხეთის მუნიციპალიტეტის სოფლებში: ცხვარიჭამია, კევლიანი, თეზამი, გიორგიწმინდა, ლელუბანი და მიმდებარე სოფლებში. ამის შესახებ „ინტერპრესნიუსს“ კომპანია „ენერგო-პრო ჯორჯია“-დან აცნობეს.

10 ივნისს, 12:00-დან 16:00 საათამდე დენი გაეთიშებათ მომხმარებლებს წიწამურში, საგურამოში, ჯვრის მონასტრის მიმდებარე ტერიტორიაზე, ხოლო 14:00-დან 18:00 საათამდე - სოფლებში მუხათწყარო, მსხალდიდი, ნახშირგორა, ლისი, თხინვალა.

სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.