თბილისი Thrillist-ის სამოგზაურო სიაშია

18 მშვენიერი ევროპული ქალაქი, რომელსაც ახლავე უნდა ეწვიო, - ამ სათაურით პოპულარული ტურისტული გამოცემა Thrillist სტატიას აქვეყნებს. ბერლინის, პრაღის, კრაკოვის, ტალინის, ზაგრებისა და სხვა ევროპული ქალაქების პარალელურად, გამოცემა მკითხველს საქართველოს დედაქალაქში მოგზაურობას ურჩევს.

როგორც „ინტერპრესნიუსს“ ტურიზმის ეროვნული ადმინისტრაციიდან აცნობეს, Thrillist-ის ჟურნალისტმა საქართველოში ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის მოწვევით იმოგზაურა.

„ახალი ავიარეისების დანიშვნის შემდეგ კავკასიის გულში მოხვედრა გამარტივდა. თბილისში შეგიძლიათ, უგემრიელესი კერძები დააგემოვნოთ და კულინარიული გამოცდილება მიიღოთ.

რატომ უნდა წახვიდეთ თბილისში? აქ თქვენ ნახავთ ფერად აივნიან სახლებს, გოგირდის ბუნებრივ აბანოებს, საბაგიროთი შეგიძლიათ ახვიდეთ მე-13 საუკუნის ციხე-სიმაგრეზე, ასევე ეწვიოთ ღამის კლუბებს, რომელიც ბერლინსაც შეშურდება. გაზაფხულიდან თბილისში უკვე დაფრინავს Air France და როგორც ამბობენ, მალე დაბალბიუჯეტიანი ავიაკომპანია Ryanair-იც დაემატება, რომელიც კიდევ უფრო გაამარტივებს კავკასიის გულში მოგზაურობას“, - წერსThrillist-ის ჟურნალისტი ბენჯამინ კემპერი.

ტურიზმის ეროვნული ადმინისტრაციის ინფორმაციით, გამოცემა Thrillist-ს 20 მილიონზე მეტი მკითხველი ჰყავს და სოციალურ ქსელებში ნომერ პირველ სამოგზაურო გვერდად არის მიჩნეული.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა