საქართველოს პარლამენტის დელეგაციის წევრები კონგრესმენ ჯიმ მაკგავერნს შეხვდნენ

პარლამენტის დელეგაცია, ამერიკის შეერთებულ შტატებში სამუშაო ვიზიტის ფარგლებში, დემოკრატ კონგრესმენს მასაჩუსეტსის შტატიდან ჯიმ მაკგავერნს შეხვდა.

როგორც „ინტერპრესნიუსს“ პარლამენტის პრესსამსახურიდან აცნობეს, შეხვედრისას მხარეებმა განიხილეს საქართველოს და ამერიკას შორის არსებული ორმხრივი ურთიერთობები. დელეგაციის წევრებმა კონგრესმენს მიაწოდეს ინფორმაცია საქართველოში მიმდინარე წარმატებული რეფორმებსა და ქვეყანაში არსებულ სოციალურ-ეკონომიკურ მდგომარეობაზე.

კონგრესმენმა დადებითად შეაფასა საქართველოში მიმდინარე რეფორმების პროცესი და ქართულ მხარეს აშშ-ის საკანონმდებლო ორგანოს სრული მხარდაჭერა აღუთქვა.

პარლამენტის დელეგაცია ვაშინგტონში ამერიკის შეერთებული შტატების განვითარების სააგენტოს (USAID) პროგრამების - „დემოკრატიული მმართველობის ინიციატივა“ (GGI) და „კანონის უზენაესობის მხარდაჭერა საქართველოში” (PROLoG) ერთობლივი ინიციატივის ფარგლებში იმყოფება.

დელეგაციის შემადგენლობაში შედიან პარლამენტის წევრები: თამარ ჩუგოშვილი, ირაკლი კოვზანაძე, აკაკი ზოიძე, კახაბერ კუჭავა, ანრი ოხანაშვილი, ოთარ დანელია, გიორგი კახიანი, ნინო გოგუაძე, მამუკა მდინარაძე, ოთარ კახიძე, თინათინ ბოკუჩავა, ასევე პარლამენტის აპარატის უფროსი გივი მიქანაძე და აპარატის უფროსის მოადგილე დავით გელაშვილი.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
"პარვუს ჯგუფი" ოზურგეთის ინტერნეტიზაციის შესახებ მედიაში გავრცელებულ ცრუ ინფორმაციას ეხმაურება (R)
ბათუმში დიჯიტალ ტვ-ის ოფისი გაიხსნა