"ევროპული საქართველო" "ნაციონალური მოძრაობის" მიერ დაანონსებულ აქციებს არ შეუერთდება. როგორც "ინტერპრესნიუსს" პარტიის ერთ-ერთმა ლიდერმა, გიგა ბოკერიამ განუცხადა, საკითხზე კონსულტაციები არ გამართულა და აღნიშნული შესახებ, მათ მედიის საშუალებით შეიტყვეს.

"ამის შესახებ კონსულტაციები არ გვქონია, მედიით შევიტყვეთ ამის შესახებ. გამომდინარე აქედან, არ ვართ ამ აქციების ნაწილი", - განაცხადა გიგა ბოკერიამ.

„ერთიანი ნაციონალური მოძრაობა“ ფართომასშტაბიან საპროტესტო აქციებს იწყებს, - ამის შესახებ პარტიის თავმჯდომარემ, გრიგოლ ვაშაძემ პენსიონერებთან შეხვედრისას განაცხადა.

როგორც ვაშაძემ აღნიშნა, „ლიბერთი ბანკი“ პენსიონერებს პენსიით გარანტირებულ სესხზე 36%, ანუ სამჯერ მეტს ართმევს, რაც მისივე შეფასებით, პენსიონერების გაძარცვას ნიშნავს. მისივე განმარტებით, „ერთიანი ნაციონალური მოძრაობა“ და გაერთიანებული ოპოზიცია ხელისუფლებისგან კატეგორიულად მოითხოვს, გაუქმდეს საპროცენტო განაკვეთი წინასწარ აღებულ პენსიებზე, პენსიონერებზე გაცემულ სესხებზე და უზრუნველყოფილ სესხებზე.