„როიტერსი“ - თურქეთის მიერ რუსული „ეს-400“-ის შეძენის გამო, აშშ-მ თურქი პილოტების და ტექნიკოსების ახალი ჯგუფების აშშ-ში ჩასვლა შეაჩერა

თურქეთის მიერ რუსული რაკეტსაწინააღმდეგო სისტემის „ეს-400“-ის შეძენის გამო, აშშ-მ თურქი პილოტების და ტექნიკოსების ახალი ჯგუფების აშშ-ში ჩასვლა შეაჩერა, „ეფ-35“-ის ტიპის თვითმფრინავების ასათვისებლად. ეს ცნობა ექსკლუზიურად მოიპოვა სააგენტო „როიტერსმა“ საკუთარ წყაროებზე დაყრდნობით.

აშშ დიდი ხანია აცხადებს, რომ თურქეთს არჩევანის გაკეთება მოუწევს და არ შეიძლება ჰქონდეს ერთდროულად რუსული და ამერიკული იარაღი (ანკარას „ეფ-35“-ებიც შეკვეთილი აქვს), თუმცა აქამდე პრაქტიკული ნაბიჯების გადადმას ერიდებოდა.

ამჟამად აშშ-ში იმყოფება 6 პილოტი და 20 ტექნიკოსი. მათ უკან გაგზავნაზე ჯერ ლაპარაკი არ არის და შესაძლოა, ახალი პილოტების მიღებაც განაახლონ, თუ თურქეთი „ეს-400“-ის კონტრაქტს გააუქმებს.

რუსული იარაღის მიწოდება უკვე ივლისში უნდა დაიწყოს.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 28.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია