ლევან გოგიჩაიშვილი ნათია თურნავას - იცით, რატომ დაგნიშნეს მინისტრად? რისთვისაც უნდოდათ ჩინჩალაძე და გვრიტიშვილი უზენაესში

იცით, რატომ დაგნიშნეს ეკონომიკის მინისტრად? რისთვისაც უნდოდათ ჩინჩალაძე და გვრიტიშვილი უზენაესში, რომ თქვენ შექმნათ კომფორტის ზონა ადამიანისთვის, რომელიც პარტიის თავმჯდომარის სტატუსით მართავს ქვეყანას,-ამის შესახებ პარლამენტის დამოუკიდებელმა დეპუტატმა ლევან გოგიჩაიშვილმა პარლამენტის დარგობრივი ეკონომიკის და ეკონომიკური პოლიტიკის კომიტეტის სხდომაზე განაცხადა, სადაც ნათია თურნავას უსმენენ.

დეპუტატის თქმით, „საპარტნიორო ფონდთან“ დაკავშირებით მის მიერ დასმულ კითხვაზე მინისტრის პასუხი მისთვის მიუღებელია. როგორც გოგიჩაიშვილი აცხადებს, მმართველი გუნდის თავმჯდომარის საქმე არ არის „საპარტნიორო ფონდი“ როგორ და რა პრინციპით იქნება მოწყობილი.

“საპარტნიორო ფონდთან“ დაკავშირებით მე დაგისვით კითხვა და ძალიან მშვიდად გამეცით პასუხი, რომ პარტიის თავმჯდომარე იყო მისული, რომ რა ხდებოდა გარკვეულიყო. ყველა პარტიის თავმჯდომარეს მიიყვანთ „საპარტნიორო ფონდში“ რომ საქმის კურსში ჩადგეს? მესმის, რომ ის არის მმართველი პარტიის თავმჯდომარე, მაგრამ ამაზე რომ პასუხი მოითხოვოს, ამისთვის არსებობს პრემიერ-მინისტრი და თქვენ. ის აქტივობა, რასაც პარტიის თავმჯდომარე ახორციელებს, ეხება პარტიას. მისი საქმე არ არის „საპარტნიორო ფონდი“ როგორ და რა პრინციპით იქნება მოწყობილი. თუ უნდა დაბრუნდეს პრემიერ-მინისტრად და აიღოს პასუხისმგებლობა. როცა ეკონომიკის მინისტრი ასეთ პასუხს სცემს დეპუტატს, ეს შემაშფოთებელია და საქმე გვაქვს ისეთ მმართველობასთან, რომელიც გასულია კონსტიტუციური და საკანონმდებლო სივრციდან. მე ამას ერთპიროვნულ უმართაობას ვეძახი. იცით რატომ დაგნიშნეს ეკონომიკის მინისტრად? რისთვისაც უნდოდათ ჩინჩალაძე უზენაესში და გვრიტიშვილი უზენაესში, რომ თქვენ შექმნათ კომფორტის ზონა ადამიანისთვის, რომელიც პარტიის თავმჯდომარის სტატუსით მართავს ქვეყანას“,- განაცხადა გოგიჩაიშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს