"ქართული ოცნება" აპირებს კენჭი უყაროს მოსამართლეებს და ჩვენ ვაპირებთ ამ პროცესის ჩაშლას, - ამის შესახებ "ინტერპრესნიუსს" დამოუკიდებელმა დეპუტატმა, ლევან გოგიჩაიშვილმა განუცხადა. ლევან გოგიჩაიშვილის განცხადებით, მართველ პარტიას აუცილებლად მოუწევს პოლიტიკური საფასურის გადახდა იმ უსამართლობისთვის, რაც სასამართლოში ხდება და რაც მოსამართლეების უვადოდ განწესებასა და კანდიდატთა შერჩევას უკავშირდება.

"ქართული ოცნება" აპირებს კენჭი უყაროს მოსამართლეებს და ჩვენ ვაპირებთ ამ პროცესის ჩაშლას. გვინდა ეს პროცესი მაქსიმალურად მძიმედ წარიმართოს მათთვის და თითოეული არასწორი გადაწყვეტილება, ძალიან ძვირად დაუჯდეთ. მაგალითად, თამარ ალანიას გადაყვანას უზენაეს სასამართლოში, უნდა გადაჰყვეს "ქართული ოცნება" და ძალიან მაინტერესებს ზაქარია ქუცნაშვილის პოზიცია ამ დროს", - განაცხადა ლევან გოგიჩაიშვილმა.