ვარკეთილში ახალი სკვერი მოეწყობა

თბილისის საკრებულოს სამგორის რაიონის მაჟორიტარმა დეპუტატმა გიორგი დოხტურიშვილმა, გამგეობის წარმომადგენლებთან ერთად, ვარკეთილში სკვერის მშენებლობის პროცესი დაათვალიერა.

როგორც „ინტერპრესნიუსს“ თბილისის საკრებულოდან აცნობეს, ვარკეთილის მესამე მასივში, IVკვ, კორპუსი N10 - N11 ის მიმდებარედ ახალი რეკრეაციული სივრცე და სპორტული მოედანი მოეწყობა. თანამედროვე სტანდარტების შესაბამისი სკვერი 2000 კვ. მეტრ ფართობზეა განთავსებული. ტერიტორიაზე საბავშვო ატრაქციონები და გარე განათების ბოძები დამონტაჟდება. სკვერში საფეხმავლო ბილიკები დეკორატიული ფილებით მოპირკეთდება და საბაღე სკამები განთავსდება. მაჟორიტარი დეპუტატის განცხადებით, სკვერში ახალი, თანამედროვე სტანდარტების, ხელოვნურსაფარიანი ფეხბურთისა და კალათბურთის კომბინირებული სპორტული მოედნის მოწყობის სამუშაოებიც მიმდინარეობს.

"დღეს გამგეობის თანამშრომლებთან ერთად ადგილზე გავეცანით სკვერის მშენებლობის სამუშაოებს და მოსახლეობას შევხვდით. ეს სკვერი კიდევ ერთი მწვანე სივრცე იქნება, სადაც ადგილობრივები დასვენებასა და განტვირთვას შეძლებენ. აღნიშნული პროექტი სამგორის რაიონის გამგეობის დაფინანსებით ხორციელდება. წლის ბოლომდე ვარკეთილში მდებარე კიდევ რამდენიმე სკვერის რეაბილიტაციაა დაგეგმილი",- განაცხადა გიორგი დოხტურიშვილმა.

კორნელი კაკაჩია - აშშ-ში საქართველოს ხელისუფლების წარმომადგენელთა ვიზიტი საკმაოდ დაგვიანებულია, ამიტომ, არა მგონია, რომ ამ ვიზიტმა რამე შეცვალოს
ქართული პრესის მიმოხილვა 28.01.2020
თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა