კვიპროსში დაახლოებით 500-მდე ქართველია საკონსულო აღრიცხვაზე, თუმცა სხვადასხვა მონაცემით, ჩვენი მოქალაქეების რიცხვი დაახლოებით 3 000-ს აჭარბებს, - ამის შესახებ საქართველოს საგარეო საქმეთა სამინისტროს წარმომადგენელმა ვლადიმერ კონსტანტინიდმა განაცხადა.

მან ისაუბრა იმის შესახებ, რომ კვიპროსმა საქართველო უსაფრთხო ქვეყნად აღიარა და აღნიშნა, რომ შედეგად, კვიპროსის მხრიდან ვადები თავშესაფრის მაძიებელთა აპლიკაციების განხილვაზე შემოკლდება.

„ბევრი ჩვენი მოქალაქე არ დგება საკონსულო აღრიცხვაზე, შესაბამისად, ზუსტი რიცხვის წარმოდგენა რთულია. კვიპროსი, ისევე, როგორც სხვა სახელმწიფოები, რომელთაც შეგვიყვანეს უსაფრთხო ქვეყნების სიაში, გადახედავენ და ვადებს შეამოკლებენ ისეთი სახის განცხადებების განხილვის, როგორიც არის თავშესაფრის მაძიებელთა აპლიკაცია“, - განაცხადა კონსტანტინიდმა.