გაერთიანებული ძალების ოპერაციის შტაბის პრესცენტრის ცნობით, გასული ღამის განმავლობაში დონბასში ორი სამხედრო მოსამსახურე დაიღუპა და 5 დაიჭრა, 7-მა სამხედრომ კი საბრძოლო ტრავმა მიიღო.
უკრაინელი სამხედროების ცნობით, რუსი ოკუპანტების მხრიდან ორი ადამიანია დაღუპული და ერთი დაჭრილი. რაც შეეხება 6 ივნისს, დონბასში დაიღუპა ორი და დაიჭრა 11 უკრაინელი სამხედრო მოსამსახურე.
გარდა ამისა, რუსულმა მხარემ, 7 ივნისს, 28-ჯერ დაარღვია ცეცხლის შეწყვეტის რეჟიმი, მათ შორის სამჯერ მინსკის შეთანხმებით აკრძალული 152მმ და 122მმ კალიბრის არტილერიით, ასევე 120 მმ კალიბრის ნაღმსატყორცნით. აღნიშნულ ინფორმაციას სააგენტო „უნიანი“ ავრცელებს.