“სამართლიანი არჩევნებისა და დემოკრატიის საერთაშორისო საზოგადოება” (ISFED) 9 ივნისის შუალედური არჩევნების მეორე ტურს მთაწმინდის ოლქში სრული დაფარვით, 31 მოკლევადიანი დამკვირვებლის, 1 ოლქის დამკვირვებლისა და 2 მობილური ჯგუფის მეშვეობით, ხმების პარალელური დათვლის (PVT) მეთოდოლოგიით დააკვირდება. ამის შესახებ „ინტერპრესნიუსს“ „სამართლიანი არჩევნებიდან“ აცნობეს.

მათი ინფორმაციით, „სამართლიანი არჩევნები“ დაკვირვების შედეგებს საზოგადოებასა და მედიას პრესკონფერენციების მეშვეობით გააცნობს.

პირველი პრესკონფერენცია დაგეგმილია 9 ივნისს, 14:00 საათზე, ISFED-ის ცენტრალურ ოფისში (ონიაშვილის 37). მეორე პრესკონფერენცია კი გაიმართება საარჩევნო დღის დასრულების შემდეგ.