მსახიობი, გაერო-ს კეთილი ნების ელჩი ანჯელინა ჯოლი კოლუმბიაში, ვენესუელელი მიგრანტების ბანაკს ეწვია. ის ბანაკის მცხოვრებთა საცხოვრებელ პირობებს გაეცნო და მათი ისტორიები მოისმინა.

ამასთანავე, გუშინ გაერთიანებული ერების ორგანზიაციამ გამოაქვეყნა ანგარიში, რომლის მიხედვითაც, ვენესუელა კრიზისის შემდეგ 4 მილიონზე მეტმა ადამიანმა დატოვა და მეზობელ ქვეყნებში გადავიდა საცხოვრებლად. მათ შორის კი მილიონზე მეტმა კოლუმბიის საზღვარი გადაკვეთა და ვენესუელას საზღვართან ახლოს მდებარე ლტოლვილთა ბანაკში დაიწყო ცხოვრება.