ძლიერი წვიმის გამო საგანგებო სიტუაციების მართვის სამსახურში 20-მდე შეტყობინება შევიდა. ამის შესახებ "ინტერპრესნიუსს" საგანგებო სიტუაციების მართვის სამსახურიდან აცნობეს. მათი ინფორმაციით, შეტყობინებები ძირითადადად ხის წაქცევებს, ტოტების ჩამოვარდნასა და ქუჩებზე წყლის დონის მომატებას, ასევე, რამდენიმე სახლში წყლის შესვლას ეხება.
საგანგებო სიტუაციების მართვის სამსახურიდან ყველა ლოკაციაზე გასულები არიან მაშველები. შეტყობინებები საგანგებო სიტუაციების მართვის სამსახურში ძირითადად დიდუბე-ჩუღურეთიდან და ვაკე-საბურთალოდან შევიდა.