ასეთი „არჩევნები“ არის სიყალბე და არის იმის გაგრძელება, რასაც ოკუპაცია ჰქვია, - ასე აფასებს საქართველოს პარლამენტის თავმჯდომარე, ირაკლი კობახიძე ოკუპირებულ ცხინვალის რეგიონში მიმდინარე ე.წ. საპარლამენტო არჩევნებს.

როგორც კობახიძემ ჟურნალისტებს დასმული კითხვის საპასუხოდ განუცხადა, ამ ე.წ. არჩევნებს რაიმე მნიშვნელობას საქართველოს ხელისულება ვერ მიანიჭებს.

„ჩვენ ვიცით, რომ ცხინვალის რეგიონში და აფხაზეთში სრულ კონტროლს ახორციელებს რუსეთის ფედერაცია. აქედან გამომდინარე, თავისთავად, ასეთი „არჩევნები“ არის სიყალბე და არის იმის გაგრძელება, რასაც ოკუპაცია ჰქვია. ამიტომ, ამას რაიმე მნიშვნელობას ვერ მივანიჭებთ“, - განაცხადა კობახიძემ.