საკონსტიტუციო რეფორმისა და საკანონმდებლო ცვლილებების საფუძველზე, საქართველოს მოქალაქეობის მიღების საკითხზე დიასპორისა და კავკასიის საკითხთა კომიტეტში იმსჯელებენ
საკონსტიტუციო რეფორმისა და “საქართველოს მოქალაქეობის შესახებ“ კანონში განხორციელებული ცვლილებების საფუძველზე, მოქალაქეობის მიღების საკითხზე პარლამენტის დიასპორისა და კავკასიის საკითხთა კომიტეტში მოსმენა გაიმართება.
ამ თემაზე პარლამენტში იუსტიციის მინისტრის პირველი მოადგილე მიხეილ სარჯველაძეა მიწვეული.
მინისტრის მოადგილე კომიტეტის წევრებს გააცნობს ინფორმაციას, სტატისტიკურ მონაცემებს და ასევე პრაქტიკაში გამოვლენილ ხარვეზებს შემდეგ საკითხებზე: - სხვა ქვეყნის მოქალაქეობის მოპოვების შემთხვევაში საქართველოს მოქალაქეობის შენარჩუნება; საქართველოს მოქალაქეობის აღდგენის მოთხოვნის დროებითი უფლების გამოყენება; საქართველოს მოქალაქეობის აღდგენა; საგამონაკლისო წესით საქართველოს მოქალაქეობის მინიჭება.
საკომიტეტო მოსმენა 16:00 საათისთვის დაინიშნა.
