ვენესუელამ კოლუმბიასთან საზღვარი გახსნა

4-თვიანი დიპლომატიური ურთიერთობების გაწყვეტის შემდეგ, ვენესუელამ კოლუმბიასთან საზღვარი გახსნა. ამის შესახებ ინფორმაციას „ბიბისი“ ავრცელებს.

საზღვრის გახსნის პირველივე დღესვე ათასობით ადამიანმა გადაკვეთა ქვეყნებს შორის საზღვარი.

აღსანიშნავია, რომ საზღვრის ჩაკეტვამ განსაკუთრებით ის ვენესუელელები დააზარალა, რომლებიც კოლუმბიის საზღვართან ახლოს ცხოვრობდნენ და თითქმის ყოველდღე კვეთდნენ სახელმწიფო საზღვარს სხვადასხვა მიზნების გამო.

შეგახსენებთ, რომ საზღვრის ჩაკეტვის შესახებ გადაწყვეტილება ვენესუელას პრეზიდენტმა ნიკოლას მადურომ თებერვალში მას შემდეგ მიიღო, რაც ვენესუელას ოპოზიციის ლიდერმა ხუან გუაიდომ გადაწყვიტა აშშ-ის მიერ გამოგზავნილი ჰუმანიტარული დახმარება კოლუმბიის საზღვრიდან შემოეტანა. ამის შემდეგ ნიკოლას მადურომ კოლუმბიასთან დიპლომატიური ურთიერთობა გაწყვიტა და კოლუმბიელ დიპლომატებს ქვეყნის დასატოვებლად 24 საათი მისცა.

იხილეთ ვიდეო: ვენესუელამ კოლუმბიასთან საზღვარი გახსნა

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 20.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება