"ქართული ოცნების" მიერ მოყვანილი ბევრი ადამიანი შემხვდა, რომელიც "ქართული ოცნების" წინააღმდეგ აძლევს ხმას, - ამის შესახებ ფრაქცია "ევროპული საქართველოს" წევრმა გიორგი კანდელაკმა ჟურნალისტებს განუცხადა.

კანდელაკის თქმით, "ქართული ოცნება " პანიკაშია და ყველა გზით ცდილობს ამომრჩეველზე ზეგავლენას.

"ადამიანების მობილიზება უბნის სიახლოვეს ტელეფონებით და სიებით ცუდია და ეს ეუთოს რეკომენდაციებშიც წერია და როგორც ჩანს, "ქართული ოცნება" არ ცემს პატივს ეუთოს რეკომენდაციებს. გარდა ამისა, მე შემხვდნენ კარ-და კარის დროს და მითხრეს, რომ დავაგვიანე, რადგან მისი ხმა უკვე გაყიდული იყო. "ქართული ოცნების" პანიკა ნიშნავს იმას, რომ ისინი ამხელა უპირატესობის მიუხედავადაც არ არის დარწმუნებული გამარჯვებაში. ბევრი "ქართული ოცნების" მოყვანილი ადამიანი შემხვდა, რომელიც "ქართული ოცნების" წინააღმდეგ აძლევს ხმას", - განაცხადა კანდელაკმა.