კიშინოვში „დემოკრატიულმა პარტიამ“ საპროტესტო აქცია გამართა. აქციის გამო კიშინოვის ცენტრში საავტომობილო მოძრაობა გადაიკეტა.
მოგვიანებით „დემოკრატიული პარტიის“ ერთ-ერთი ლიდერი ვლად პლახოტნიუსკი გამოვიდა და განაცხადა, რომ მოლდოვის პრეზიდენტი იგორ დოდონი უნდა გადადგეს. მისი აზრით, მოლდოვაში ვადამდელი საპრეზიდენტო არჩევნები საპარლამენტო არჩევნებთან ერთად უნდა ჩატარდეს. „დოდონი უნდა გადადგეს, რათა ვადამდელი საპრეზიდენტო და საპარლამენტო არჩევნები ერთ დღეს გაიმართოს. დოდონს სურდა ეს ქვეყანა გადაეცა იმისთვის, ვისაც მისი მიღება უკვე დიდი ხანია სურს. ჩვენ სახელმწიფოს ღალატს მხარს არასოდეს დავუჭერთ“,-განაცხადა მან.