17:00 საათის მონაცემებით, მთაწმინდაზე ამომრჩეველთა აქტივობამ 32,5% შეადგინა

ამომრჩეველთა აქტივობამ მთაწმინდის ოლქში 17:00 საათის მონაცემებით, 32,5% შეადგინა, რაც რაოდენობრივად არის 14 278 ამომრჩეველი. ამის შესახებ ცენტრალური საარჩევნო კომისიის პრესსპიკერმა ანა მიქელაძემ ბრიფინგზე განაცხადა. მისივე ინფორმაციით, 19 მაისს შუალედური არჩევნების პირველ ტურზე 17:00 საათის მონაცემებით, აქტივობა 26,6% იყო.

"მთელი დღის განმავლობაში საარჩევნო უბნებზე ხმის მიცემის პროცესი მიმდინარეობდა მშვიდ და ყველასათვის ხელმისავდომ გარემოში.

ვრცელდება ინფორმაცია ამომრჩევლის გარეთ აღრიცხვიანობასთან დაკავშირებით და კიდევ ერთხელ ხაზგასმით აღვნიშნავ, საარჩევნო უბნის გარეთ კომისია არ ახორციელებს კონტროლს. ამომრჩევლის აღრიცხვა კანონმდებლობით არ იკრძალება, მაგრამ ეს პროცესი ისე უნდა წარიმართოს, რომ დაცული იყოს ამომრჩევლის ნების თავისუფლად გამოხატვის პრინციპი",- განაცხადა ანა მიქელაძემ.

მისივე ინფორმაციით, ამ დროისათვის საოლქო საარჩევნო კომისიაში სულ შესულია ორი საჩივარი.

"რაც შეეხება ჩემ ხელთ არაებულ ინფორმაციას საჩივრების შესახებ, ამ დროისათვის საოლქო საარჩევნო კომისიაში შესულია ორი საჩივარი. მათგან ერთი დაწერილია საია-ს მიერ და ეხება ერთ-ერთი საუბნო საარჩევნო კომისიის მიერ წილისყრის პროცედურაში მონაწილეობაზე უარის თქმას, ხოლო მეორე დაწერილია "სამართალდამცავთა დაცვის ლიგის მიერ" და ეხება #17 საარჩევნო უბანზე არაუფლებამოსილი პირის მიერ ამომრჩევლის პერსონალური მონაცემების დამუშავებას", - განაცხადა მიქელაძემ.

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 21.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს