უკრაინის მეხუთე პრეზიდენტი პეტრო პოროშენკო საკუთარი პარტიის „ევროპული სოლიდარობის“ საარჩევნო სიას სათავეში ჩაუდგა და ვადამდელ საპარლამენტო არჩეევნებში გამარჯვების შემთხვევაში, მზად არის ქვეყნის პრემიერ-მინისტრი გახდეს. ამის შესახებ მან პარტიის ყრილობაზე განაცხადა.

კითხვაზე, აპირებს თუ არა პოროშენკო ქვეყნის პრემიერ-მინისტრობას, მან დადებითად უპასუხა.

„თუკი ჩვენ გავიმარჯვებთ არჩევნებში - დიახ, მზად ვარ პრემიერის თანამდებობა დავიკავო“, - განაცხადა პოროშენკომ.

დღეს პეტრო პოროშენკომ ვადამდელი საპარლამენტო არჩევნებისთვის თავისი პარტიის პირველი ათეულის სია დაასახელა.