ირმა ნადირაშვილი - კოორდინატორები, საჯარო მოხელეები, კრიმინალური ელემენტები - ეს "ბუკეტი" შეგიძლიათ ნახოთ მთაწმინდაზე, ნებისმიერ საარჩევნო უბანზე

კოორდინატორები, საჯარო მოხელეები, კრიმინალური ელემენტები - ეს "ბუკეტი" შეგიძლიათ ნახოთ ნებისმიერ საარჩევნო უბანზე დღეს მთაწმინდაზე და კრიმინალებთან შერწყმული „ქართული ოცნება“ სწორედ ასე ცდილობს ამომრჩევლის თავისუფალ ნებაზე ზეგავლენის მოხდენას,- ამის შესახებ „ევროპული საქართველოს“ წევრმა ირმა ნადირაშვილმა საგანგებო ბრიფინგზე განაცხადა, რომლითაც „ქართული ოცნების“ ოფისში გაკეთებულ განცხადებებს გამოეხმაურა.

„ქართული ოცნების“ ოფისში გამართულ საგანგებო ბრიფინგზე გიორგი ვოლსკიმ მოგვიწოდა, რომ თუ ჩვენ გვაქვს ინფორმაცია კრიმინალების მონაწილეობის შესახებ საარჩევნო პროცესში, ვაცნობოთ პოლიციას. ჩვენ ამ თხოვნას ვასრულებთ და ბატონ ვოლსკის, ასევე პოლიციის შესაბამის განყოფილებას მივმართავთ რომ მივიდნენ მთაწმინდაზე, მე-13 უბანზე და გაგვარკვიონ გიორგი დობორჯგინიძე რას აკეთებს იქ. ის მოძრაობს ყოფილ ფეხბურთელთან, გიორგი დემეტრაძესთან ერთად მე-13, მე-14 უბნებზე და იქ აკონტროლებს ვითარებას ქუჩაში. ბატონი დობორჯგინიძე ნასამართლევია „ქურდული სამყაროს“ წევრობის ბრალდებით და მისი სახელი ასევე უკავშირდება სადახლოში მომხდარ ხმაურიან მკვლელობას. შესაბამისად, ჩვენ გვაინტერესებს, „ქართული ოცნების“ პოლიტიკოსებისგან და ასევე პოლიციისგან, ეს ადამიანი რას აკეთებს ამ საარჩევნო უბნებზე“,- განაცხადა ნადირაშვილმა.

მისივე განცხადებით, „ქართული ოცნებისთვის“ შესაძლოა, დღევანდელი ვითარება კომიკურია, მაგრამ ნადირაშვილის შეფასებით, საქართველოს მოქალაქეებისთვის ტრაგიკულია.

„დღეს არაერთხელ მოვისმინე ერთი სიტყვა, რომელიც ამოიჩემა „ოცნებამ“, რომ თურმე დარღვევები, რომელსაც მათ ვაცნობეთ, ყოფილა კომიკური. შესაძლოა, გიორგი ვოლსკისთვის ან არჩილ თალაკვაძისთვის კომიკურია ის, რაც ხდება, მაგრამ ტრაგიკულია საქართველოს მოქალაქეებისთვის“, - განაცხადა ნადირაშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს