20:00 საათის მონაცემებით, მთაწმინდაზე ამომრჩეველთა აქტივობამ 41,23% შეადგინა

20:00 საათის მონაცემებით, ამომრჩეველთა აქტივობამ მთაწმინდის ოლქში 41,23% შეადგინა, რაც რაოდენობრივად არის 18 105 ამომრჩეველი. ამის შესახებ ცენტრალური საარჩევნო კომისიის პრესსპიკერმა ანა მიქელაძემ ბრიფინგზე განაცხადა. აღსანიშნავია, რომ ამ ოლქში მეორე ტურზე უფრო მეტმა მოქალაქემ დააფიქსირა საკუთარი არჩევანი, ვიდრე პირველ ტურზე. უფრო ზუსტად, 19 მაისს შუალედური არჩევნების პირველ ტურზე 20:00 საათის მონაცემებით, აქტივობა 34,27% იყო.

"მხოლოდ ერთი პროცედურული ხარვეზი გამოვლინდა. #3 საარჩევნო უბანზე გადასატანი საარჩევნო ყუთის სიაში რეგისტრაციის მისამართის მიხედვით შეყვანილი ამომრჩეველი არ იმყოფებოდა რეგისტრაციის ადგილას. კომისიის წევრებმა ამომრჩეველს გადასატანი ყუთი მიუტანეს იქ, სადაც ამომრჩეველი ფაქტობრივად იმყოფებოდა, რაც აღმოჩნდა საარჩევნო უბნის საზღვრებს გარეთ. აღნიშნული ფაქტის გამო ყუთი დაილუქა, გაიგზავნა საოლქო საარჩევნო კომისიაში და შემდეგ ის მიიღებს გადაწყვეტილებას",- განაცხადა ანა მიქელაძემ.

რაც შეეხება საჩივრებს, ცესკოს ინფორმაციით, მათი რაოდენობა არ გაზრდილა. საოლქო საარჩევნო კომისიაში მთელი დღის მანძილზე შევიდა ორი საჩივარი. მათგან ერთი დაწერილია საია-ს მიერ და ეხება ერთ-ერთი საუბნო საარჩევნო კომისიის მიერ წილისყრის პროცედურაში მონაწილეობაზე უარის თქმას, ხოლო მეორე დაწერილია "სამართალდამცავთა დაცვის ლიგის მიერ" და ეხება #17 საარჩევნო უბანზე არაუფლებამოსილი პირის მიერ ამომრჩევლის პერსონალური მონაცემების დამუშავებას.

იხილეთ ვიდეო: მთაწმინდაზე ამომრჩეველთა აქტივობამ 41,23% შეადგინა

იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
ქართული პრესის მიმოხილვა 07.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ახალი Galaxy Note 20 და Note 20 Ultra წინასწარი შეკვეთა დაიწყო
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში