ნებისმიერ გადაცდომასა თუ კანონდარღვევას სამართალდამცავი ორგანოები გასცემენ პასუხს, - ამის შესახებ „ქართული ოცნების“ აღმასრულებელმა მდივანმა ირაკლი კობახიძემ ჟურნალისტებს, მთაწმინდის 17-ე საარჩევნო უბანზე მომხდარი ინციდენტის შეფასებისას განუცხადა. კობახიძემ არ გამორიცხა, რომ საარჩევნო პროცესში შესაძლოა მცირე ხარვეზები იყო, თუმცა ის არჩევნების საბოლოო შედეგებზე გავლენას ვერ მოახდენს.
„თუ სადმე რაიმე კონკრეტული გადაცდომაა, კანონდარღვევაა თუ რაიმე სხვა, ამ შემთხვევაში ბუნებრივია სამართალდამცავი ორგანოები ჩაერევიან და ისინი გასცემენ ყველაფერს პასუხს. შეიძლება იყო მცირე ხარვეზები, თუმცა ეს ხარვეზები ვერავითარ გავლენას ვერ მოახდენდა საბოლოო ჯამში არჩევნების შედეგზე“, - განაცხადა ირაკლი კობახიძემ.