ირაკლი კობახიძე - შუალედური არჩევნები განსხვავდება საერთო ეროვნული არჩევნებისგან და აქედან გამომდინარე, მეორე ტურის შემდეგ რაიმე საჯარო ღონისძიება არ მოგვიწყვია
მივეჩვიეთ გამარჯვებას, თუმცა ეს ნახევრად ხუმრობით, -ასე უპასუხა პარლამენტის თავმჯდომარემ "ინტერპრესნიუსის" კითხვას იმის შესახებ, რომ პარტიაში წინა არჩევნებთან განსხვავებით ამაღლებული განწყობა არ იგრძნობოდა.
„მივეჩვიეთ გამარჯვებას, თუმცა ეს ნახევრად ხუმრობით. ეს არის შუალედური არჩევნები, ამიტომ ეს განსხვავდება საერთო ეროვნული არჩევნებისგან და აქედან გამომდინარე, მეორე ტურის შემდეგ რაიმე საჯარო ღონისძიება არ მოგვიწყვია", -განაცხადა კობახიძემ.
„ქართული ოცნების“ ინფორმაციით, მთაწმინდის ოლქში შუალედური არჩევნების მეორე ტურში ლადო კახაძემ გაიმარჯვა.
