ყაზახეთის საპრეზიდენტო არჩევნებში მოქმედი ლიდერი კასიმ-ჟომარტ ტოკაევი იმარჯვებს. მისი კანდიდატურა მმართველმა პარტიამ წამოაყენა.
ეგზიტპოლების შედეგების მიხედვით, ტოკაევმა ხმათა დაახლოებით 70% მიიღო.
ქვეყნის პირველი პირის არჩევნები საპროტესტო აქციების ფონზე მიმდინარეობდა. აქციის მონაწილეები მიიჩნევენ, რომ ვადამდელი საპრეზიდენტო არჩევნები უსამართლო და არადემოკრატიულია, შედეგები კი წინასწარ განსაზღვრული.
ყაზახეთის შინაგან საქმეთა სამინისტრო საპროტესტო აქციებს არასანქციერებულს უწოდებს, შედეგად უკვე აქციის 500-მდე მონაწილეა დაპატიმრებული. დაკავებულთა შორის ადგილობრივი ჟურნალისტებიც არიან.