რეფორმები, მიღწევები, გამოწვევები და საქართველოს შრომის კანონმდებლობა - ეს იმ საკითხების მოკლე ჩამონათვალია, რომელზეც საქართველოს პრეზიდენტი ჟენევაში, 11 ივნისს შრომის საერთაშორისო ორგანიზაციის კონფერენციაზე გამოსვლისას გაამახვილებს ყურადღებას.

შვეიცარიის კონფედერაციაში საქართველოს საგანგებო და სრულუფლებიანი ელჩის, დავით ჯალაღანიას განცხადებით, კონფერენცია, რომელშიც საქართველოს პრეზიდენტი მონაწილეობს, ორგანიზაციის 100 წლისთავს ეძღვნება, ამიტომ ორგანიზაციის ლიდერებმა ძალისხმევა არ დაიშურეს, რომ კონფერენციაში მონაწილეობა მიეღო მაღალი რანგის სტუმრებს - კონფერენციას ესწრება 40 ქვეყნის ლიდერი და 190- მდე ქვეყნის 5000 დელეგატი.

„,საქართველოს პრეზიდენტი მისასალმებებელი სიტყვით მიმართავს კონფერენციის დელეგატებს და საქართველოს რეფორმებზე, მიღწევებზე, გამოწვევებზე და ჩვენი ქვეყნის შრომის კანონმდებლობის, თუ დასაქმების მიმართულებით არსებულ თანამედროვე პრობლემატიკაზე ისაუბრებს", - აღნიშნა დავით ჯალაღანიამ.

მისი თქმით, პრეზიდენტი შეხვედრებს გამართავს ჟენევაში განლაგებული საერთაშორისო ორგანიზაციების წარმომადგენლებთან და გამომდინარე ღონისძიების ფორმატიდან კოლეგებთან შეხვედრები იქნება როგორც პროტოკოლური, ასევე არაფორმალური.