ჩინეთის ჩრდილო-აღმოსავლეთში მდებარე ქვანახშირის მაღაროში 9 ადამიანი დაიღუპა და 10 დაშავდა. მაღაროში ნგრევა 2,3 ბალის მიწისძვრამ გამოიწვია. აღნიშნულ ინფორმაციას „როიტერი“ ადგილობრივი ხელისუფლების განცხადებაზე დაყრდნობით ავრცელებს. ეს ჩინეთის მაღაროებში ადამიანების დაღუპვის მესამე შემთხვევაა ბოლო ერთი თვის განმავლობაში. ეს მიუთითებს, რომ ხშირი შემოწმებების მიუხედავად, მაღაროებში უსაფრთხოების დონე დაბალია.