რომან გოცირიძე - ეროვნულ ბანკის იდეაფიქსი არის რეზერვების შევსება და არა ლარის სტაბილურობა

თავისუფალი ცურვა არ არსებობს ისეთ პირობებში, როდესაც ლარის გაუფასურებას ხელს არ უშლიან და გამყარებას ხელს უშლიან, -ამის შესახებ ფრაქცია "ნაციონალური მოძრაობის" თავმჯდომარემ რომან გოცირიძემ ჟურნალისტებს საფინანსო საბიუჯეტო კომიტეტის დაწყებამდე განუცხადა, სადაც ეროვნული ბანკის პრეზიდენტს მოუსმენენ.

რომან გოცირიძის თქმით, ეროვნული ბანკისა და მთავრობის მუშაობას ასახავს ის რეალობა, რომელიც დღეს ქვეყანაში არსებობს.

„ბოლო შვიდი წელიწადია, არის მუდმივი მოლოდინი, რომ ლარი გაუფასურდება ან ფასები გაიზრდება. ხალხი ვერ გეგმავს თავის მომავალს, რადგან არ იცის როგორი იქნება ლარის კურსი დღეს, ხვალ. ლარის ნებისმიერი მკვეთრი რყევები ყოველთვის უარყოფითად მოქმედებს ბიზნესზე. ეკონომიკური ზრდა არის უაღრესად დაბალი. ეროვნული ბანკის ამოცანა არ არის ეკონომიკური ზრდის რეგულირება, მას სხვა ამოცანები აქვს, მაგრამ ის ამ ამოცანას ვერ ართმევს თავს. თქვენ ხედავთ შარშანდელ მის მუშაობას და იმ შეცდომებს იმეორებს წელსაც. ნაცვლად იმისა, რომ მან თავის ხელში აიღოს სადავეები, მომენტალურად უშვებს ხელიდან. თუნდაც, ის, რაც ახლა ხდება, ლარის კურსის გამყარების ტენდენციას აფერხებს. ეროვნული ბანკისთვის რეზერვები გახდა მთავარი და არა ლარის და ინფლაციის სტაბილურობა. ამიტომ, ამოცანები აერია ერთმანეთში. რეზერვები კარგია, მაგრამ რეზერვების ძირითადი ამოცანა არის სწორედ ლარის სტაბილურობის უზრუნველყოფა. დღეს იდეაფიქსი არის მათთვის რეზერვების შევსება. 30 მილიონი შეიძინა გუშინწინ, არადა თავისუფალი ცურვა არ არსებობს, ისეთ პირობებში, როდესაც ლარის გაუფასურებას ხელს არ უშლიან და გამყარებას ხელს უშლიან. ეს არის მართვადი კურსი. ამიტომ, ნურავის ნუ ატყუებენ. მართვადი კურსის პირობებში ლარის ბედი დამოკიდებულია ჩინოვნიკზე და არა ბაზარზე",-განაცხადა რომან გოცირიძემ.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 25.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„რადისონ ქოლექშენ, წინანდლის მამულის" ზამთრის შეთავაზება