ირაკლი ოქრუაშვილის პოლიტიკური გუნდის წევრები სავარაუდოდ, კოტე კემულარია და გუბაზ სანიკიძეც  იქნებიან

თავდაცვის ყოფილი მინისტრის, ირაკლი ოქრუაშვილი პოლიტიკურ მოძრაობაში, სავარაუდოდ, კოტე კემულარია და გუბაზ სანიკიძე იქნებიან. ოქრუაშვილის პოლიტიკური მოძრაობა ხვალ დაფუძნდება და თანამოაზრეების ვინაობაც ხვალ გახდება ცნობილი, თუმცა „ინტერპრესნიუსის“ ინფორმაციით, ოქრუაშვილი პოლიტიკურ აქტიურობას სწორედ აღნიშნულ პირებთან ერთად დაუბრუნდება.

სააგენტო აღნიშნულთან დაკავშირებით თავად გუბაზ სანიკიძეს დაუკავშირდა, რომელმაც დაახლოებით ერთი თვის წინ ნინო ბურჯანაძის „დემოკრატიული მოძრაობა“ დატოვა.

„ეს არ არის პოლიტიკური პარტია, ყველაფერს ხვალ, პრეზენტაციისას გაიგებთ“, - განაცხადა გუბაზ სანიკიძემ.

რაც შეეხება კოტე კემულარიას, ის და ირაკლი ოქრუაშვილი თავის დროზე „ნაციონალური მოძრაობის“ წევრები იყვნენ. კოტე კემულარია 1999—2004 წლებში საქართველოს პარლამენტის წევრი და ფრაქცია „ნაციონალური მოძრაობის“ თავმჯდომარე იყო; ასევე იყო უზენაესი სასამართლოს თავმჯდომარე და საქართველოს ელჩი რუსეთში.

ახალი პოლიტიკური მოძრაობის პრეზენტაცია 11 ივნისს, „შერატონ მეტეხი პალასში“ გაიმართება.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს