არჩილ თალაკვაძე - აქტიურ კომუნიკაციას გავაგრძელებთ საზოგადოებასთან და გადავჭრით ყველა იმ საკითხს, რომელზეც შუალედურ არჩევნებში იყო საუბარი

პასუხისმგებლობა, რომელიც შუალედური არჩევნების შემდეგ ჩვენთვის კიდევ უფრო ძლიერია, აუცილებლად იქნება გამოყენებული ჩვენი მხრიდან, რომ გავააქტიუროთ საქმიანობა,- განაცხადა საპარლამენტო უმრავლესობის ლიდერმა არჩილ თალაკვაძემ, საპარლამენტო უმრავლესობის სხდომის დასრულების შემდეგ.

როგორც დეპუტატი აცხადებს, სხდომაზე შუალედური არჩევნების შედეგები შეაჯამეს და სამომავლო გეგმებზე ისაუბრეს.

„უმრავლესობის სხდომაზე შევაჯამეთ შუალედური არჩევნების შედეგები. ჩვენ ვიმსჯელეთ სამომავლო პროექტებსა და მიმართულებებზე. ეს პასუხისმგებლობა, რომელიც შუალედური არჩევნების შემდეგ ჩვენთვის კიდევ უფრო ძლიერია, ჩვენი მხრიდან აუცილებლად იქნება გამოყენებული, რომ კიდევ უფრო მეტად გავააქტიუროთ ჩვენი საქმიანობა დედაქალაქსა და რეგიონებში. სამომავლო გეგმებზე ვიმსჯელეთ დეტალურად. იქნება ძალიან მნიშვნელოვანი დრო და ენერგია დახარჯული რეგიონებშიც. ჩვენ აქტიურ კომუნიკაციას გავაგრძელებთ საზოგადოებასთან და გადავჭრით ყველა იმ საკითხს, რომელზეც შუალედურ არჩევნებში კიდევ ერთხელ იყო საუბარი“,- განაცხადა თალაკვაძემ.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 20.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება