ირაკლი ბერაია ოპოზიციას - თუ ფიქრობთ, რომ ქურდებმა მოგიგეს არჩევნები, დრო ხომ არ მოვიდა, წახვიდეთ პოლიტიკიდან და ქურდებს დაუთმოთ ასპარეზი?

დრო ხომ არ მოვიდა, საერთოდ წახვიდეთ პოლიტიკიდან და ქურდებს დაუთმოთ ასპარეზი, იქნებ ისინი წავიდნენ ოპოზიციაში?! - ასე მიმართა საპარლამენტო ოპოზიციის წევრებს საპარლამენტო უმრავლესობის წევრმა ირაკლი ბერაიამ ადამიანის უფლებათა დაცვის კომიტეტის სხდომაზე.

ბერაიამ „ევროპული საქართველოს“ ერთ-ერთი ლიდერის, ოთარ კახიძის ბრალდებას უპასუხა, რომელიც საარჩევნო უბნებზე კრიმინალური ელემენტების მობილიზებას ეხებოდა. დეპუტატი ამბობს, რომ წინა ხელისუფლების წარმომადგენლებს ხელისუფლებაში ყოფნისას არ უჭირდათ ადამიანებისთვის კრიმინალობის დაბრალება და მითუმეტეს ოპოზიციაში გადასვლის შემდეგ მათი რიტორიკა არ შეცვლილა.

„მინდა მივმართო კოლეგებს „ნაციონალური მოძრაობის“ სხვადასხვა განშტოებებიდან. თქვენ ძალიან მარტივად ახსენებდით სიტყვა „კრიმინალს“, როცა იყავით ხელისუფლებაში. ძალიან მარტივი იყო ადამიანზე ამის დაბრალება თქვენთვის, რაზეც მეტყველებს ჩვენი კოლეგა, რომელიც სხდომას ესწრება, ბატონი მერაბი (ქვარაია) და კიდევ უამრავი პოლიტპატიმარი, რომელიც ხელისუფლების ცვლილების შემდეგ, დაუბრუნდა თავის ცხოვრების რიტმს. თქვენთვის მარტივი იყო ამ სიტყვის წარმოთქმა და ადამიანისთვის დაბრალება მაშინ, რა თქმა უნდა, ოპოზიციაში წასვლის შემდეგ, თქვენში არაფერი შეცვლილა და ისევ იგივე რიტორიკით, მარტივად ახერხებთ ადამიანების შერაცხვას კრიმინალებად. მე მაქვს თქვენთან შეკითხვა. ბრძანებთ, რომ კრიმინალების და ქურდების ჩარევით გაიმარჯვა „ქართულმა ოცნებამ“. თქვენ მართლა ფიქრობთ, რომ ქურდებმა მოგიგეს ეს არჩევნები?! თუ ასე ფიქრობთ, რომ ქურდებმა არჩევნები მოგიგეს, „ევროპულ საქართველოს, „ნაციონალური მოძრაობის“ სხვა განშტოებას ყველას ერთად გაერთიანებულს, დრო ხომ არ მოვიდა, საერთოდ წახვიდეთ პოლიტიკიდან და ქურდებს დაუთმოთ ასპარეზი, იქნებ ისინი წავიდნენ ოპოზიციაში?!“, - განაცხადა ირაკლი ბერაიამ.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა