ლევან გოგიჩაიშვილი ლონდა თოლორაიას - ადეიშვილისთვის ერთ-ერთი იმედისმომცემი პროკურორი იყავით და ასე მარტივად შეგიძლიათ გახდეთ ინსპექტორი?

თქვენ ფიქრობთ, რომ ადამიანი, რომელიც 2010 წლიდან იყავით ადეიშვილისთვის ერთ-ერთი საყვარელი და იმედისმომცემი პროკურორი მათი რეჟიმისთვის, ასე მარტივად შეგიძლიათ გახდეთ ინსპექტორი? - ამ კითხვით დეპუტატმა ლევან გოგიჩაიშვილმა სახელმწიფო ინსპექტორის თანამდებობაზე ასარჩევად წარდგენილ ერთ-ერთ კანდიდატს ლონდა თოლორაიას მიმართა.

დეპუტატმა ლონდა თოლორაიას სამუშაო გამოცდილების ის პერიოდი გაიხსენა, როდესაც წინა ხელისუფლების პერიოდში, ზურაბ ადეიშვილის გენერალური პროკურორობის დროს, პროკურატურაში ერთ-ერთ მნიშვნელოვან თანამდებობაზე მუშაობდა. მან თოლორაიას ჰკითხა, როგორ ახერხებს ადეიშვილთანაც და „ქართულ ოცნებასთანაც“ კარგად იყოს.

„როდესაც თქვენ ინიშნებოდით დეპარტამენტის ხელმძღვანელად, მაშინ გამოვხატავდი ჩემს უკმაყოფილებას და მაშინ გახარიას ვუთხარი, რომ არ შეიძლება ადეიშვილის გაზრდილი კადრები დაასაქმოთ იმ ხელისუფლების თანამდებობებზე, რომელმაც იმიტომ შეცვალა წინა ხელისუფლება, რომ ის პროკურატურა და იქ ნამუშევარი ადამიანები საზოგადოებისთვის მიუღებელი იყო. 2010 წლიდან თქვენ საქართველოს პროკურატურაში არასრუწლოვანთა მართლმსაჯულების პროცესის კოორდინატორი ხართ. 2010 წლიდან 2012 წლის 1 ოქტომბრამდე ათეული შემთხვევები შეიძლება ჩამოვთვალოთ, რომელიც არასრულწლოვნების მიმართ ხდებოდა: წამება, არაადამიანური მოპყრობა, ტერორი მათი განთავსების ადგილებში, იყო თვითმკვლელობის და გარდაცვალების ფაქტებიც. როგორ ახერხებთ, ქალბატონო ლონდა, რომ ადეიშვილთანაც წარმატებით იყოთ, მერე „ქართულ ოცნებასთანაც“ კარგად იყოთ?

არაფერი არ არსებობს, რაც თქვენ გაწუხებთ ან რაც თქვენ გიქმნით იმის უხერხულობას, რომ დღეს გვესაუბრებით ადამიანის უფლებებზე და ფაქტობრივად, ნაბიჯების გადადგმა იმ უწყებაში დაიწყეთ? ყველანი ვთანხმდებით, რომ ადეიშვილის თანხმობის გარეშე, რაც უნდა ბრწყინვალე ყოფილიყავით, სხვა უნარ-ჩვევები რომ არ გქონოდათ, არავინ დაუშვებდა, რომ ასეთი მნიშვნელოვანი პროგრამის ხელმძღვანელი ყოფილიყავით. თქვენ ფიქრობთ, რომ ადამიანი, რომელიც 2010 წლიდან იყავით ადეიშვილისთვის ერთ-ერთი საყვარელი და იმედის მომცემი პროკურორი მათი რეჟიმისთვის, ასე მარტივად შეგიძლიათ გახდეთ ინსპექტორი?“ - მიმართა გოგიჩაიშვილმა თოლორაიას.

ამ წუთებში ადამიანის უფლებათა კომიტეტის სხდომაზე სახელმწიფო ინსპექტორის თანამდებობაზე ასარჩევად წარმოდგენილი ლონდა თოლორაიასა და ვალერი ლომუაშვილის კანდიდატურების განხილვა მიმდინარეობს.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“