„ექსპო ჯორჯიაში“ ჰაერის ხარისხის კვლევის შედეგების პრეზენტაცია გაიმართება

ორგანიზაცია “საქართველოს ალიანსი უსაფრთხო გზებისთვის” და “სამოქალაქო საზოგადოების განვითარებისა და მოქალაქეების ჩართულობის” პროექტი (East-West Management Institute, ACCESS), ამერიკის შეერთებული შტატების საერთაშორისო განვითარების სააგენტოს მხარდაჭერით (USAID), 11 ივნისს, „ექსპო ჯორჯიას“ მე-10 პავილიონში მედიის წარმომადგენელთათვის კვლევის შედეგების პრეზენტაციას გამართავენ. ორგანიზატორების ინფორმაციით, კვლევა წარმოაჩენს თბილისში ჰაერის ხარისხის მწვავე მდგომარეობას, რომელიც, 2018 წელთან შედარებით (იანვარ-მარტი), 2019 წელს გაუარესებულია.

კერძოდ, პრესკონფერენციაზე წარმოდგენილი იქნება გარემოს ეროვნული სააგენტოს ატმოსფერული ჰაერის ხარისხის პორტალის air.gov.ge-ის მიერ წერეთლის გამზირზე დაფიქსირებული ისეთი წამყვანი დამაბინძურებლების მონაცემების ანალიზი, როგორიცაა: აზოტის დიოქსიდი - NO2, მიკრონაწილაკები PM2.5 და PM10-ი, რომელიც განსაკუთრებით საშიშია ადამიანების ჯანმრთელობისთვის და იწვევს რიგ დაავადებებს.

პრეზენტაციაზე ასევე წარმოდგენილი იქნება მონაცემები წერეთლის გამზირზე დღის სხვადასხვა მონაკვეთში მოჭარბებული დამაბინძურებლების და ავტოტრანსპორტის ნაკადების რაოდენობაზე, რაც ადასტურებს კავშირს ტრანსპორტის ემისიებსა და ჰაერის დაბინძურებას შორის.

ამასთან, ღონისძიებაზე გარემოსა და ჯანდაცვის სპეციალისტები ისაუბრებენ აღნიშნული მონაცემების უარყოფით გავლენაზე გარემოსა და ადამიანის ჯანმრთელობაზე.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 02.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთის" 500 000-ლარიანი მხარდაჭერა ბავშვთა მცირე საოჯახო სახლებს
კომპანია "ნოვა" პანდემიის გამოწვევის დასაძლევად 65 000 ლარს გამოყოფს
პირველი კლინიკა დისტანცირებული რიგის მართვის სისტემით
„სმარტი“ წითელ ჯვართან და თბილისის მერიასთან ერთად საზოგადოებას ხანდაზმულთა მხარდამჭერ კამპანიაში ჩართვის საშუალებას აძლევს
კომპანია „ორბი ჯგუფი“ მედიკოსებს მადლობას უხდის