ანრი ოხანაშვილი - ლონდა თოლორაიას საზოგადოების მხრიდან  აქვს დიდი ნდობა, ამიტომ დავუჭირეთ მხარი სახელმწიფო ინსპექტორის თანამდებობაზე

ლონდა თოლორაიას საზოგადოების მხრიდან აქვს დიდი ნდობა მის მიერ გაწეული საქმიანობიდან გამომდინარე. ამიტომ დავუჭირეთ მხარი სახელმწიფო ინსპექტორის თანამდებობაზე, - ამის შესახებ იურიდიულ საკითხთა კომიტეტის თავმჯდომარე, ანრი ოხანაშვილმა ჟურნალისტებს განუცხადა.

ოხანაშვილის თქმით, ლონდა თოლორაიას აქვს შესაბამისი კომპეტენცია და გამოცდილება საგამოძიებო მუშაობის მხრივ.

„კანონის ჩანაწერის თანახმად გათვალისწინებულია, რომ კანდიდატს უნდა ჰქონდეს ადამიანის უფლებათა სფეროში, მართლმსაჯულების ან სამართალდამცავ სფეროში მუშაობის გამოცდილება. ლონდა თოლორაია არის კანდიდატი, რომელსაც მუშაობის გამოცდილება აქვს, როგორც სამართალდამცავ ორგანოებში, ასევე მას აქვს კარგი და წარმატებული პრაქტიკული გამოცდილება. ამასთან, ბოლო წლებში ის ხელმძღვანელობს ადამიანის უფლებათა დაცვის დეპარტამენტს, რომლის სახელსაც არაერთი წარმატებული პროექტი უკავშირდება. ლონდა თოლორაიას აქვს დიდი ნდობა საზოგადოების მხრიდან მის მიერ გაწეული საქმიანობიდან გამომდინარე. იგი არის კეთილსინდისიერი და კომპეტენტური, შესაბამისად, ამ კრიტერიუმებზე დაყრდნობით და ასევე იმის გათვალისწინებით, რომ ამ სამსახურის განვითარების შემდგომი დიდი ხედვა წარმოადგინა, ამიტომ დავუჭირეთ მხარი მის კანდიდატურას.

ორი ღირსეული კანდიდატურა იყო წარმოდვენილი. მეორე კანდიდატიც ძალიან ღირსეული და კვალიფიციური კანდიდატია, თუმცა მივიღეთ გადაწყვეტილება, რომ ვინც უფრო მეტად შესაფერისი იქნება ამ სამსახურისთვის, მისთვის დაგვეჭირა მხარი“, - განაცხადა ოხანაშვილმა.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 12.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში