ალბანეთის პრეზიდენტმა ილირ მეტამ თვის ბოლოს დაგეგმილი მუნიციპალური არჩევნები გააუქმა, რადგან ქვეყანის პრემიერ-მინისტრ ედი რამას გადადგომის მოთხოვნით მრავალათასიანი საპროტესტო აქციები მიმდინარეობს.
„ევრონიუსის“ ცნობით, ოპოზიციის ლიდერი ლულზიმ ბაშა და მისი მომხრეები პრემიერს კორუფციასა და 2017 წლის არჩევნების შედეგებით მანიპულირებაში სდებენ ბრალს.
ილირ მეტას მიაჩნია, რომ ქვეყანაში პოლიტიკური დაძაბულობა უნდა განელდეს, „წინააღმდეგ შემთხვევაში უზრუნველყოფილი ვერ იქნება საჭირო პირობები ნამდვილი, დემოკრატიული, წარმომადგენლობითი და საყოველთაო არჩევნებისათვის“. მან დასძინა, რომ კრიზისმა შეუძლებელი გახადა ევროკავშირში ქვეყნის გაწევრიანების თაობაზე მოლაპარაკებების დაწყება.
ედი რამას „ალბანეთის სოციალისტური პარტია“ აშშ-ისა და ევროკავშირის მხარდაჭერით სარგებლობს და დღემდე ინარჩუნებს ძალაუფლებას.