უახლოეს მომავალში საკადრო ცვლილებები არ არის დაგეგმილი. რა თქმა უნდა, აქცენტი კეთდება საპარლამენტო არჩევნებზე და ამაზე ვართ ორიეტირებულები,-ამის შესახებ პარლამენტის თავმჯდომარემ ირაკლი კობახიძემ ჟურნალისტებს შესაძლო საკადრო ცვლილებებთან დაკავშირებით კითხვის საპასუხოდ განუცხადა.
რაც შეეხება კითხვას, არის თუ არა მოსალოდნელი, რომ მოქმედი საპარლამენტო უმრავლესობის ზოგიერთი წევრი ვერ მოხვდეს 2020 წლის საარჩევნო სიაში, კობახიძე პასუხობს, რომ ამგვარ საკითხებთან მიმართებაში ყველა ტიპის გადაწყვეტილება გუნდის შიგნით იქნება მიღებული.
"ჩვენ, რა თქმა უნდა, მსჯელობა გვექნება გუნდის ყველა წევრთან და ამ რეჟიმში მიიღება ყველა გადაწყვეტილება,მათ შორის, ყველა საკადრო გადაწყვეტილება, მათ შორის, საპარლამენტო არჩევნებისთვის“, - ,განაცხადა კობახიძემ.