საბერძნეთის პრემიერმინისტრმა ალექსის ციპრასმა ქვეყნის პრეზიდენტს პროკოპის პავლოპულოსს პარლამენტის დათხოვნისა და ახალი საპარლამენტო არჩევნების დანიშვნის თხოვნით მიმართა.
ციპრასმა პრეზიდენტთან შეხვედრისას განაცხადა, რომ საბერძნეთში ვადამდელი საპარლამენტო არჩევნები უნდა ჩატარდეს, რათა თავიდან აიცილონ პოლიტიკური გაურკვევლობის პერიოდი, რამაც, მისი თქმით, შეიძლება ხელი შეუშალოს ქვეყნის ეკონომიკურ აღმავლობას.
„ევროპულმა არჩევნებმა შექმნა ხანგრძლივი წინასაარჩევნო პერიოდის ვითარება დაახლოებით ოთხი თვის მანძილზე. ვალდებული ვარ გავითვალისწინო, რომ ამან შესაძლოა ავნოს ქვეყნის ეკონომიკას“, - განუცხადა ციპრასმა პრეზიდენტ პროკოპის პავლოპულოსს.
პრეზიდენტმა თავის მხრივ აღნიშნა, რომ იღებს მთავრობის წინადადებას.