„ტოიოტა ცენტრი თბილისი“ ე.წ. რიქოლ-კამპანიაში ჩართვის მსურველებისთვის დამატებით ინფორმაციას ავრცელებს

"ტოიოტას" პირველ ოფიციალურ დილერს საქართველოში „ტოიოტა ცენტრ თბილისს“ სერვისის მიმდინარე სპეციალურ კამპანიებში, ე.წ. რიქოლში ჩართვის სურვილით, ბოლო დროს, სულ უფრო მეტი მომხმარებელი მიმართავს.

როგორ „ინტერპრესნიუსს“ „ტოიოტა ცენტრი თბილისიდან“ აცნობეს, აღნიშნულ ფაქტს „ტოიოტა ცენტრი თბილისი“ დადებით მოვლენად აფასებს და მზარდი დაინტერესების ფონზე, მომხმარებლის (ფიზიკური პირები) დამატებით ინფორმირებისა და უკეთ მომსახურების მიზნით, საჭიროდ მიიჩნევს რამდენიმე განმარტება გააკეთოს.

მათივე ინფორმაციით, პირველ რიგში, "ტოიოტას" ავტომობილის მფლობელებმა უნდა გაითვალისწინონ, რომ „რიქოლ-კამპანიის“ ფარგლებში ნებისმიერი ტექნიკური მომსახურება, მათ შორის ავტონაწილის შეცვლა, რამდენად ძვირადღირებული არ უნდა იყოს ის, მათთვის აბსოლუტურად უფასოა.

„ტოიოტა ცენტრი თბილისის“ ცნობითვე, აღნიშნულის გათვალისწინებით, „ტოიოტა ცენტრი თბილისი“ მომხმარებლის იმ კატეგორიასაც მიმართავს, რომელიც არ ფლობს სრულყოფილ ინფორმაციას და ამ დრომდე თავს იკავებს სერვისის სპეციალურ კამპანიაში ჩართვისგან, რათა მათაც არ გაუშვან ხელიდან შესაძლებლობა, სრულიად უფასოდ და სწრაფად მიიღონ საჭირო მაღალკვალიფიციური სერვისი. ეს ეხება იმ მძღოლებსაც, რომლებსაც "ტოიოტას" მარკის ავტომანქანა მეორად ბაზარზე ან უცხოეთში ოფიციალური დილერისგან აქვს შეძენილი.

„რიქოლ-კამპანიის“ ფარგლებში, „ტოიოტა ცენტრ თბილისში“ მისული მომხმარებელი მიიღებს გარანტირებულად მაღალი ხარისხის ტექნიკურ მომსახურებას ორიგინალი იაპონური წარმოების ავტონაწილებით და მას არაფრის გადახდა არ მოუწევს. ეს არის „ტოიოტა მოტორ კორპორაციის“ მიერ დადგენილი წესი, რომელსაც ოფიციალური დილერი ზედმიწევნით იცავს.

მიუხედავად იმისა, რომ „ტოიოტა ცენტრი თბილისი“ უშუალოდ უკავშირდება იმ მომხმარებელს, რომელმაც ავტომობილი ოფიციალურად ცენტრში შეიძინა, "ტოიოტას" მფლობელებს, VIN კოდის გამოყენებით, თავადაც მარტივად შეუძლიათ მოიპოვონ ინფორმაცია იმის თაობაზე, ექვემდებარება თუ არა ავტომობილი „რიქოლს“. თუ ავტომობილი შეძენილია "ტოიოტას" ოფიციალურ დილერთან საქართველოში, მომხმარებელი უნდა ეწვიოს „ტოიოტა კავკასიის“ ვებგვერდს www.toyota.ge და მოიძიოს ქვერუბრიკა - „სპეციალური სერვისის კამპანია“, დადებითი პასუხის შემთხვევაში კი, უნდა მიმართოს "ტოიოტას" ოფიციალურ დილერს.

„ტოიოტა მოტორ კორპორაციის“ გადაწყვეტილებით, იმ მომხმარებელს, რომლის ავტომობილი შეძენილია მეორად ბაზარზე ან ნებისმიერ სხვა ქვეყანაში, ასევე შეუძლია თავისი ავტომობილის უნიკალური VIN კოდის გამოყენებით გაარკვიოს, არის თუ არა მისი მანქანა „რიქოლის“ სიაში. მათ შეუძლიათ VIN კოდი გააგზავნონ ელექტრონული ფოსტის მისამართზე: vincheck@toyota-caucasus.com და გლობალურ სისტემაში გადამოწმების შემდეგ მიიღონ პასუხი, ეხებათ თუ არა „რიქოლ-კამპანია“ (VIN კოდი დატანილია ავტომობილის ტექნიკური პასპორტის E სექციაში და თვითონ ავტომანქანაზეც, ძველ ტექნიკურ პასპორტებში კი ქვედა მარჯვენა კუთხეში).

„დეტალური ინფორმაციის მისაღებად, თუ რა კონკრეტული სამუშაოებია ჩასატარებელი „რიქოლის“ ფარგლებში, ავტომანქანის მფლობელს შეუძლია დაუკავშირდეს „ტოიოტა ცენტრ თბილისს“ და მიიღოს ამომწურავი ინფორმაცია.

მომხმარებელი დაზოგავს დროს, თუ „რიქოლ-კამპანიაში“ ჩართვის მიზნით, წინასწარ დაუკავშირდება „ტოიოტა ცენტრ თბილისს“ შემდეგ საკონტაქტო ნომრებზე: 032 2511; 032 2 522 022 ან (+995) 577 279 903, წინასწარ ჩაეწერება სერვისის მიღებაზე და ეწვევა მისამართზე: დავით აღმაშენებლის ხეივანი, მე-20 კმ.

„ტოიოტა ცენტრი თბილისი“ თავის მომხმარებელს შეახსენებს, რომ „რიქოლ-კამპანიებს“ „ტოიოტა მოტორ კორპორაცია“, სხვა დიდი საავტომობილო ბრენდების მსგავსად, პერიოდულად, მსოფლიო მასშტაბით ატარებს. „ტოიოტა მოტორ კორპორაციის“ მხრიდან ეს ერთგვარი ფილოსოფიური მიდგომაა, რაც მომხმარებელზე ზრუნვითა და სრულყოფისკენ მუდმივი სწრაფვით არის ნაკარნახევი. სერვისის სპეციალური კამპანიის გამოცხადება, უმრავლეს შემთხვევაში, არ გულისხმობს მიმდინარე პრობლემის არსებობას, არამედ მიზნად ისახავს შესაძლო გაუმართაობის თავიდან აცილებას, ასევე, ზოგიერთი ავტონაწილის გაუმჯობესებული ვერსიით ჩანაცვლებას და სხვ. შესაბამისად, არ არის გამორიცხული, რომ სერვისის სპეციალურ კამპანიებში მოხვდეს, როგორც საქართველოში ოფიციალური დილერისგან შეძენილი ავტომობილები, ასევე, მეორად ბაზარზე ან უცხოეთში ნაყიდი ავტომანქანებიც. ვიდრე მსოფლიო მასშტაბით არ განახლდება ამ თუ იმ „რიქოლს“ დაქვემდებარებული უკლებლივ ყველა ავტომანქანა, კონკრეტული კამპანია დასრულებულად არ ჩაითვლება. სწორედ ამიტომ, ხშირად, რამდენიმე „რიქოლ-კამპანია“ ერთდროულად კი მიმდინარეობს“, - ნათქვამია „ტოიოტა ცენტრი თბილისის“ მიერ გავრცელებულ ინფორმაციაში.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!