განათლების სამინისტრო სამივლინებო ხარჯებთან დაკავშირებით განმარტებას აკეთებს

სამივლინებო ხარჯებთან დაკავშირებით განათლების, მეცნიერების, კულტურისა და სპორტის სამინისტრო განმარტებას აკეთებს. როგორც „ინტერპრესნიუსს“ სამინისტროდან აცნობეს, გუშინ გავრცელებული ინფორმაცია სამივლინებო ხარჯების შესახებ, კერძოდ სამ თვეში 1.2 მლნ ლარი მოიცავს გაერთიანებული სამინისტროს სისტემაში შემავალი ყველა სსიპ-ისა და ა(ა)იპ-ის სამივლინებო ხარჯს.

„გუშინ გავრცელებულ ინფორმაციასთან დაკავშირებით განათლების, მეცნიერების, კულტურისა და სპორტის სამინისტროს სამივლინებო ხარჯების შესახებ, განვმარტავთ, რომ აღნიშნული თანხა მოიცავს სამინისტროს სისტემაში შემავალი ყველა საჯარო სამართლის იურიდიული პირისა და არასამეწარმეო (არაკომერციული) იურიდიული პირის (მათ შორის, სახელმწიფო თეატრების, მუსიკალური ცენტრების, მუზეუმების, სიმღერისა და ცეკვის ანსამბლების, სპორტული ფედერაციების, სხვადასხვა უმაღლესი სასწავლებლის, სამეცნიერო კვლევითი დაწესებულებების და ა.შ.) სამივლინებო ხაჯებს. ავტომობილებიც განპიროვნებულია ასევე მთლიანად სისტემაში შემავალ სსიპ-ებსა და ა(ა)იპ-ებზე.

აქვე ვაზუსტებთ, რომ სამინისტროების გაერთიანების შემდეგ განათლების მეცნიერების, კულტურისა და სპორტის სამინისტროს სისტემაში, გარდა საჯარო სკოლებისა, შედის: 219 საბიუჯეტო ორგანიზაცია, მათ შორის 143 საჯარო სამართლის იურიდიული პირი, 14 არასამეწარმეო (არაკომერციული) იურიდიული პირი და 62 ტერიტორიული ორგანო – საგანმანათლებლო რესურსცენტრები.

ამასთან საგულისხმოა, რომ დათვლილი სამივლინებო ხარჯები მოიცავს დაფინანსების ყველა წყაროს, მათ შორის მიზნობრივ გრანტებს,“ - ნათქვამია სამინისტროს ინფორმაციაში.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა