ინვესტიციები განხორციელდება საინვესტიციო დოკუმენტის პოლიტიკის შესაბამისად, - ამის შესახებ საპენსიო სააგენტოს დირექტორმა ლევან სურგულაძემ საინვესტიციო საბჭოს წევრების საკომიტეტო მოსმენის შემდეგ მედიასთან განაცხადა.
ლევან სურგულაძემ კიდევ ერთხელ ისაუბრა საბჭოს წევრების მაღალ კვალიფიციურობაზე და აღნიშნა, რომ შერჩეული პირები საფრანგეთიდან, ფინეთიდან, დიდი ბრიტანეთიდან და საქართველოდან არიან.
„საინვესტიციო საბჭო შეიმუშავებს საინვესტიციო პოლიტიკის დოკუმენტს, რომელიც მომავალში დამტკიცდება. ინვესტიციები განხორციელდება საინვესტიციო დოკუმენტის პოლიტიკის შესაბამისად. საბჭოს ხუთი წევრი შერჩეულია, რომელიც პარლამენტმა უნდა დაამტკიცოს. დღეს იყო საკომიტეტო მოსმენა, ამის შემდეგ უკვე იქნება პარლამენტში მათი დამტკიცება“, - განაცხადა ლევან სურგულაძემ.
ინფორმაციას საპენსიო სააგენტო ავრცელებს.