„ქართულო ოცნებავ“, ახია თქვენზე, ესენი ლექციებს რომ გიკითხავენ. არც ერთი ხმა „ნაცებს“, არც ერთი ხმა „ქოცებს“, ორივე უნდა წავიდეს, - აღნიშნული განცხადება „პატრიოტთა ალიანსის“ წევრმა ადა მარშანიამ საპარლამენტო სესიაზე გააკეთა.

ადა მარშანია გიგა ბოკერიას განცხადებას გამოეხმაურა და მმართველ გუნდს მიმართა კითხვით, თუ რატომ არიან პარლამენტში ეს ხალხი.

„ფაშისტური რეჟიმის ბობოლა წარმომადგენელი ფაშიზმზე გელაპარაკებათ თქვენ. ახია თქვენზე. რატომ არის ეს ხალხი პოლიტიკაში საერთოდ? პოლიტიკაში ჯანდაბას, იყვნენ, პარლამენტში რატომ სხედან ესენი? თქვენი ბრალი არ არის ეს? თქვენი არჩევნები და მათი გარჩევა საერთოდ არ მაინტერესებს, ეს არის თქვენი ორი ძალის არჩევნები. თქვენ ერთმანეთს სჭირდებით ზუსტად საარჩევნოდ. არც ერთი ხმა „ნაცებს“, არც ერთი ხმა „ქოცებს“, ორივე უნდა წავიდეს“, - განაცხადა მარშანიამ.