ზაალ უდუმაშვილი - ზვიად კუპრავა გიორგი გახარიას და ბიძინა ივანიშვილის პირადი პოლიტიკური პატიმარია

დარწმუნებული ვარ, ისე როგორც ხვალინდელი დღე გათენდება, ზვიადი ძალიან მალე იქნება თავისუფალი, - ამის შესახებ გაერთიანებული ოპოზიციის ერთ-ერთმა ლიდერმა ზაალ უდუმაშვილმა „სამართალდამცავთა რეფორმირების ცენტრის" ხელმძღვანელის ზვიად კუპრავას პატიმრობაში დატოვებასთან დაკავშირებით განაცხადა.

მისი თქმით, ზვიად კუპრავა შს მინისტრის გიორგი გახარიას და პარტია „ქართული ოცნება - დემოკრატიული საქართველოს“ თავმჯდომარის, ბიძინა ივანიშვილის პირადი პოლიტიკური პატიმარია.

„ჩვენ, რასაც დღეს ვუყურებთ ამ შენობაში, რომელსაც პირობითად ჰქვია სასამართლო, არა მხოლოდ დღევანდელ პროცესს ვგულისხმობ, ეს არის საქართველოს მოსახლეობის დაცინვა და აბუჩად აგდება. 4 თვეა უკვე ზვიად კუპრავა არის გიორგი გახარიას და ბიძინა ივანიშვილის პირადი პოლიტიკური პატიმარი. გადაწყვეტილი აქვს სასამართლოსა და გიორგი გახარიას, რომ ბოლომდე დასაჯონ ზვიად კუპრავა. წინააღმდეგ შემთხვევაში იმ აბსურდული ბრალდებით, რომლისთვისაც დღეს ზვიადს ასამართლებენ, საერთოდ სასამართლო დარბაზში არც უნდა ყოფილიყო წარმოდგენილი, მაგრამ არაუშავს. ზვიადი მალე გათავისუფლდება. ასევე ძალიან მალე დასრულდება ამ ქვეყანაში მურუსიძე-ჩინჩალაძის სასამართლოს „კლანის“ პარპაში და ძალიან მალე დასრულდება ასევე ივანიშვილის ხელისუფლება“,- განაცხადა ზაალ უდუმაშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს