თამარ ჩუგოშვილი გიორგი ქობულიას ურჩევს, თუ  უკანონო გადაწყვეტილებებთან დაკავშირებით რაიმე ინფორმაცია აქვს, „მიკროფონებთან საუბრის ნაცვლად, საგამოძიებო ორგანოებს ესაუბროს“

პარლამენტის პირველი ვიცე-სპიკერი თამარ ჩუგოშვილი ეკონომიკისა და მდგრადი განვითარების ყოფილ მინისტრს გიორგი ქობულიას ურჩევს, თუკი უკანონო გადაწყვეტილებებთან დაკავშირებით რაიმე ინფორმაცია აქვს, ასეთ ფაქტებზე “მიკროფონებთან საუბრის ნაცვლად, საგამოძიებო ორგანოებს ესაუბროს“.

როგორც დეპუტატმა ჟურნალისტებს განუცხადა, ეს არის ადეკვატური რეაგირება.

“ზოგადად ასეთი განცხადებები ყურადსაღებია. ვფიქრობ, მინისტრობის პერიოდში მისი მოვალეობა და პასუხისმგებლობა იყო და, მეტი ბერკეტიც ჰქონდა, რომ მსგავსს ქმედებებზე რეაგირება მოეხდინა, თუმცა ახლაც შეუძლია რეაგირება მოახდინოს და ასეთ ფაქტებზე მიკროფონებთან საუბრის ნაცვლად, საგამოძიებო ორგანოებს უსაუბროს. მე ქობულიას და ნებისმიერ სხვა ადამიანს, ვისაც შეიძლება რაიმე უკანონო საქმიანობასთან დაკავშირებით ინფორმაცია ჰქონდეს, მოვუწოდებ, საგამოძიებო ორგანოებს მიმართონ - ეს არის ადეკვატური რეაგირება“, - განაცხადა თამარ ჩუგოშვილმა.

ჩემი მინისტრად ყოფნის პერიოდში, დიახ, არაერთხელ მქონდა იმის განცდა, რომ ჩვენ ნაწილობრივ მსხვერპლი ვართ მიკერძოებული გარიგებების, რაც ხელს გვიშლის ჩვენი ქვეყნის კეთილდღეობის გაუმჯობესებაში და იმაში, რომ ქვეყნის ეკონომიკის ზრდის სრული პოტენციალი ავითვისოთ, - ამის შესახებ ეკონომიკისა და მდგრადი განვითარების ყოფილმა მინისტრმა, გიორგი ქობულიამ „პალიტრანიუსის“ გადაცემაში „360 გრადუსი“ განაცხადა.

ქობულიას თქმით, უნდა აღმოიფხვრას ის მიკერძოებული და არაფორმალური გარიგებები, რომელსაც ხშირად აქვს ადგილი.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“