რუსეთის შინაგან საქმეთა სამინისტრომ გამომძიებელი ჟურნალისტის ივან გალუნოვის წინააღმდეგ სისხლის სამართლის წარმოება შეწყვიტა. მას შინაპატიმრობიდანაც გაათავისუფლებენ. აღნიშნულ ინფორმაციას საინფორმაციო სააგენტო „ინტერფაქსი“ შინაგან საქმეთა მინისტრ ვლადიმირ კოლოკოლცევზე დაყრდნობით ავრცელებს.
ჟურნალისტის გათავისუფლების მიზეზი ის გახდა რომ მას ბრალი ვერ დაუმტკიცეს. გალუნოვი გასულ კვირას დააკავეს. ის ნარკოტიკებთან დაკავშირებული დანაშაულის ჩადენაში იყო ბრალდებული. თავად ჟურნალისტი ბრალდებას უარყოფდა და ამტკიცებდა რომ მას ნარკოტიკები თავად სამართალდამცველებმა ჩაუდეს.
ბრალის დამტკიცების შემთხვევაში, მას 10-დან 20 წლამდე თავისუფლების აღკვეთა ემუქრებოდა.