ლევან გოგიჩაიშვილი - „ევროპულ  საქართველოსთან“  დაკავშირებული კომპანიები  წარმატებით  იმარჯვებენ  ტენდერებში და ამ ტენდერებიდან ძალიან სერიოზული ფინანსური მხარდაჭერა აქვს პარტიას

ჩვენ ინფორმაციას ვკრეფთ , მაგალითად, „ევროპულ საქართველოსთან“ დაკავშირებული კომპანიები როგორი წარმატებით იმარჯვებენ ტენდერებში და ამ ტენდერებიდან ძალიან სერიოზული ფინანსური მხარდაჭერა აქვს ამ ორგანიზაციას, - ამის შესახებ პარლამენტის დამოუკიდებელმა დეპუტატმა, ლევან გოგიჩაიშვილმა „პალიტრანიუსის“ გადაცემაში „360 გრადუსი“ განაცხადა,

„გეგა გელბახიანის კომპანიას, ბოლო ორი წლის განმავლობაში, 60 მილიონი აქვს ტენდერში წაღებული. როგორ ფიქრობთ, პოლიტიკური დაშვების გარეშე შეიძლება, ადამიანმა, რომელიც ციხეში უნდა მჯდარიყო კორუფციისთვის, 2 წლის განმავლობაში 60 მილიონის ტენდერი წაიღოს?! ან, როგორ ფიქრობთ, დავით კეზერაშვილმა, რომ ყველა საქმეში გაიმარჯვა, მართლა თავისითი მოხდა და კეზერაშვილი გამართლდა?!“, - განაცხადა გოგიჩაიშვილმა.

კითხვაზე, ამხელს თუ არა ის „ევროპულ საქართველოს“ „ქართულ ოცნებასთან“ გარიგებაში, გოგიჩაიშვილი პასუხობს, რომ ის კი არ ამხელს, უბრალოდ, მოცემულობიდან გამომდინარე, ფაქტებით საუბრობს.

„როდესაც ყველა საქმეში გამართლდება დავით კეზერაშვილი და პრობლემა არ არის... უბრალოდ დღეს საქართველოში არ ჩამოდის კეზერაშვილი, იმიტომ, რომ ეს ამბავი ძალიან იყვირებს, თორემ მას პრობლემა არ აქვს. დღესვე შეუძლია ჩამოვიდეს და ვერავინ ვერაფერს უზამს, მისი რეკორდი გასუფთავებულია. მე კი არ ვამბობ, რომ ვიღაცა ვიღაცასთან შეკრული არის, მე უბრალოდ, ფაქტებზე ვსაუბრობ და დასკვნები, ახლა თქვენ თვითონ გამოიტანეთ“, - განაცხადა გოგიჩაიშვილმა.

ამასთან, გოგიჩაიშვილის თქმით, პარლამენტის თავმჯდომარე, ირაკლი კობახიძე „ევროპული საქართველოს“ წევრებთან თავს კომფორტულად გრძნობს პარლამენტში

„ამას სრული პასუხისმგებლობით ვამბობ, მიუხედავად იმისა, რომ ხვალ დანიშნა ეთიკის კომისია ბატონმა კობახიძემ. არავის შეურაცხყოფას არ ვაყენებ, გაცილებით კომფორტულად გრძნობს თავს „ევროპულ საქართველოსთან“, როდესაც ერთ მაგიდასთან სხედან და რაღაც საპარლამენტო საკითხებზე საუბრობენ. მათთან უფრო კომფორტულად გრძნობს თავს, ვიდრე კარლო კოპალიანთან, ნუკრი ქანთარიასთან და ა.შ. თუ ვინმე ამას არ აღიარებს, მე ხომ ვიცი, როგორი ამბავი არის ამასთან დაკავშირებით „ქართულ ოცნებაში“. ამიტომ საზოგადოებისთვის მიმინდია, ვინ რა აზრს გამოიტანს. გინდა დამიჯერეთ, გინდა ნუ დამიჯერებთ“, - განაცხადა გოგიჩაიშვილმა.

იხილეთ ვიდეო

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა